Wednesday, 16 November 2011

30 pipol oli graduet long sot kos long Talua

Here's an article I wrote and sent to the Vanuatu Daily Post a few weeks ago. I didn't hear back from them so thought they weren't interested. However, on a recent visit to a friend's house I found the article in the November 5 edition of the Daily Post, in the Santo News section, only it had been translated into English. Mostly a good translation only some of the nuances were different. Unfortunately it doesn't seem to be on their online archives so I can't link to the English version. So, see how you go with this one....



30 man oli stap gobak long ol aelan blong olgeta afta long fo wikis “in-sevis” trening long Talua Ministry Training Centre.

Long Fraedei 28 Oktoba, 30 pipol oli bin graduet long wan sot kos long Talua Ministry Training Centre long Saot Santo. Olgeta ya oli kamaot long ol difren jyos mo oli kamaot long ol difren aelan long Vanuatu mo oli kam wanples blong karem ‘in-sevis-trening’ long wan sot kos.

Sot kos ya i stat long 3 Oktoba mo i gat fo wikis evriwan. Oli tekem trening long komuniti bes edukesen, prijing, misen, jyos disaplen, pasifik histori mo lidasip & develpmen. Ol lekura we oli tijim olgeta, oli tijim olgeta long ol spesel eria blong olgeta.

‘In-sevis-trening’ hemi blong givhan long olgeta we oli karem wok finis insaed long jyos. Long olgeta ya we oli bin graduet, i gat ol pasta, ol pris, ol dikon, ol sandei skul tija, ol yut, wan we i wok long PWMU mo narafala we oli no karem wok yet. Principal Ps. Fiama Rakau hem i talem se in-sevis-trening hemi impoten tumas. Hemi talem se, “Jenis i kam oltaem mo trening we samfala oli karem bifo i aot-of-deit. Yumi ol man mo woman we yumi folem Jisas Kraes, oltaem yumi stap lan mo yumi mas kam ap-to-deit.” Mo, “Hem i veri veri importen blong lei pipol blong i siftem olgeta long save long wok we oli mekem”.

Ps. George Manses we hemi wok longtaem finis i talem se, “Sot kos ya i olsem wan niufala journey. Mi mi wokbaot i go, gogo mi nomoa save go, be kos ya i helpem mi blong mi lukluk moa i go. Hem i helpem mi bigwan, i bildemap mi, i leftemap tingting blong mi long kristin laef mo long prea.” Mr. Brian Vanuaroro, wan yangfala man, hem i talem se, “Kos ya i stret long ol yangfala tu. Hem i givhan plante long mi blong luksave plante samting blong givhan long komuniti, long jyos, long gavman mo long kantri.”

Talua Ministry Training centre hem i wan institusen blong Presbyterian Church of Vanuatu (PCV) be long sot kos ya i gat 17 man we oli kam long Church of Melanesia (COM) oli kam. Principal Rakau i talem se, “Mi mi glad tumas long kos ya from we i gat fulap COM oli kam mo i balans wetem olgeta blong PCV”. Mo hem i talem se doa i open long pipol blong eni jyos we i joen long VCC oli kam.

I gat tri sot kos long evri yia, long Januari, Septemba mo Oktoba. Samfala sot kos we i go finis oli bin fokas long yut o sandae skul o eldasip. Mo samtaem ol lektura oli goaot long narafala ples blong mekem ol sot kos ya, olsem long Efate (Januari 2011), Tanna (Mei 2011) mo Malekula (Mei 2010).


Back Row (from left): Lesley Rongo, Ps. George Manse, Joseph Vagaha, Sam Yonah, Morris Tari, Stephen Sigi, Fr. Seth Karae, Brian Vanuaroro, Jimmy Olo Middle (from left): Ps. Valu Toukone, Wilkins Tari, Godringdon Tari, Fox Mele, Fr Pedro Tamsel, Moli Luke, Fr. Christopher Tavoa, Dikon Stanley Aru, Dikon Daniel Tini, Fr. Eddison Mala, Jairo Iatipu. Seated (from left): Johnny Roy, Ps. Willie Yanick, Rodney Lulu, Daniel Soul, Fr. Robertson Aru, Fr. Arthur Segere, Votangi Aru, Alexine Moses. Front: Fr. Namson Pattison Absent: Ernest Naual

3 comments:

Erin said...

Wow that was a work out for my brain - though reading Bislama is always harder for me than talking it :). Good job on the article.

Rachael said...

Hi Erin! Ahh, you must've learnt Bislama as a child. I find it easier to read!

Erin said...

Interesting!I have to read it with an 'accent' to get it sometimes :)